ما تفهم شي

والله شي يفدد فيكم يا توانسة  ظاهرلي هالثورة دخلتكم بالرسمي في حيط ( انتوما بطبيعتكم من قبل لابسين حيط)   ضايعين فيها  طول و عرض .موش فاهمين شي  وتحكيو في كل شي  غريبة والله ما فهمتكم من أناهي طينة مصنوعين اللي يركز معاكم يجن  كنتو ضاربين بالكورة زادة خلطت الثورة كملتو ضربتو فرد مرة بكبيركم و بصغيركم .

 آش تحبوووو ؟؟       شنتبوااا؟؟؟

ياخي تفركو فيهم  ولا شنوا حكايتكم ؟؟ كل شي لعب عندكم ؟؟ 
نبدى عامل كيف  و نحوس في الفايسبوك  من باج لباج  هاو تعليق هاي جام

  فجأة نلقاها ماكلة بعضها    و ضارب و مضروب و صياح و الدنيا مدعوكة
 نسأل: يا ولادي شفما  ؟؟
يجاوبوني: هاو واحد يحبها لائكية و لاخر يحبها اسلامية و لحمة أكاك.

كل واجد يجبد فالحبل ليه البلاد كسرولها كرايمها  اللي يحبها لائكية و اللي يحبها اسلامية  خلي العزاء كما هي و سيبو صالح .

لا و المصيبة تقلو علاش تحبها لائكية يقلك مانعرفش المهم لائكية وكهو و انت علاش تحبها مسلمة  يقلك خاطرنا مسلمين  ..هاي و شعملنا و جاء مليح ؟ كيفاش نفضوها ؟ نقعدوا نكوروا ببعضنا في الفايسبوك  اللي هذا يسمع في الاخر في و سخ وذنيه 

 نتفرج شوي كما خلق ربي و نمشي انسنس عليهم  نلقاهم عمارهم ما فاتتش 18 و ماكلين بعضهم هاو لائكية و اسلامية برى يعطيكم بدنية  عطلتوني كنت راكش عامل بون كيف كهو نخليهم و نقول فخار يكسر بعضوا  و نقصد ربي نرجع نركش و نحط يدي على Souris و نرجع نحوس..

من صفحة لصفحة لصفحة هاو تعليق هاي جام  طففف تجي عيني على حظبةعاملين قعدة مزيانة و يتناقشو من غير صياح ..نمشي نطّّيش وذني بحذاهم و نسمع شيحكيو ..نلقاهم يقطعو و يريشو فالنقاب .
الطفلة الاولى:و أنا و ين نعرف عليه مرأة و لا راجل متخبي تحت النقاب ؟؟
يا سيدي راجل و لابس نقاب تسالني شنلبس ؟؟؟ نخاف على روحي مالعين.
الثانية : انا يخوفووووني مخيبهم.

 بربي؟؟ 'o.O خوفتكم طفلة منتقبة و مخوفوكمش الهرادس اللي يدولرو في البلاد عاملين في رواحهم اللي ما يتعملش  يقززووا..علاش ما تقولوش لهذاكم يشدوا ديارهم ما يخرجوش و تمنعوهم  مالشارع ؟ بالله خفتو من منتقبة و مخفتوش من وحيد كما هكا هعععع

 حااصيلو نخليهم  و نقصد ربي نرجع نركش و نحوس  ..عجبتني صفحة لا علينا في اسمها .جبت كرسي و بنكت فيها نتفرج في الفيديوات و نطيش في الجاموات على حساب ستة ياخي فجأة سمعت صوت عركة  و كيما العادة ما كنتش مالعاكسين و مشيت  مديت وجهي نتفرج هيهي   وبدات التهم تطاير قال الاول لثاني .انتوما  تستغلو في الدين  بش تكسبو الجماهير و هذا ما يجيش .
الثاني:ضربو برابط( هذا الرابط) و قلو هكا  نستغلو فالدين؟
مشيت نجري انسنس حليت الرابط  ضحكت كما حبت الشريعة 

وزدت تأكدت اللي التونسي داااخل حيط في  و بش يدخل مععاه البلاد في حيط خاطرهم الكل مش فاهمين شي و يحكيو في كل شي و من لخر 

بلاد Jamais  بش تتڨد  Jamais  بش تتصلح  الكلها ڨلوبها كحل لكلها تحب تفلّح 

هيا سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااام