سوسن صوت الاسلام و العروبة، معالج صوت الاصالة و الحداثة

في البداية نحب نفكر إنو قبل ما طل علينا  للا سوسن وتطاول على الاسلام كان فما شكون سبقها  في الحكاية هذي من الفئة اللي مسمين رواحهم مثقثين  كما المنصف السويسي،نوري بوزيد...

وهاذم ناس يدعيو الثقافه وهوما في الجهل غاطسين لركبة...الله أعلم شنوا اهدافهم يحاربوا الاسلام ، وإلا يستعملوا في الاسلام كوسيلة بش انتاجاتهم تضرب  و- تولي حديث الساعة ....الله اعلم حاصلو

نحب نقول لسوسن وأمثالها  راكم ناس حمقى وكما قال الشاعر ؛ 

وبعض الداء ملتمس شفاه     وداء الحمق ليس له شفاءُ .

واحد يبدا قاعد رايض عامل كيف يحوس من باج لباج  .....يهبط عليه فيديو من الحيط كي البلاء !!

 تفرجت في فيديو  سوسن هذي  وسمعت كل شي قالتو  أما اني نفهم حاجة منجمتش !هههه  شي ما فهمت . حسيتها هي بيدها موش فاهمة فاش تقول كالببغاء تعاود في الكلام ألي قالوه الحمقى اللي قبلها  ...البنية هذي عطاها عقلها انها نصبت روحها الناطق الرسمي بإسم بنات تونس  وحددلهم حرياتهم  ومفهوم الحرية ....باهي وإنت شكون عطاك الأذن بش تدخل في شؤون غيرك ما تعرفش إلي حريتك توفى كي تبدا  حرية غيرك ... إنت تحب تعري وتشرب ...إنت حرة أعمل اللي يضهرلك ...أما المتحجبة والمتدينة (الكلمة اللي ما نجمتش تقولها ) حرة زادة تلبس ألي تحب  وتخمم كيف ما تحب هي موش كيف ما انتي تحب .علاش تحب تزرع في بنات بلادك هالاديولجيا   المسخة متاعك و اللي  كلها أفكار تمس من الاسلام واللي وصانا به الاسلام...

تحكي عالهوية !!!  إنت فين والهويا التونسية فين !!! ما نتفكرش  مماتي كانت تلبس البروتال  والميني.... والدور بالبيرة وسيغارو...بالعكس نتفكرها كانت من الدار ما تخرجش  وكي تخرج تستر روحها بالسفساري 

كفاش وحدة كيفك تبعت ثقافة دخيلة على ثقافتنا الاسلامية العربية  وانغمست في السهر والليالي الملاح وشرب الخمر...تحكي عالهوية !!!

باهي علاش كل ما تحكيو على الاسلام إدخلوا المرأة!!  وتتهمو الإسلام بكونو ضلم المرأة..باهي ناخذ مثال صغير تعدد الزوجات اللي برشة يقول الاسلام ضلم بيه المرأة شوف الآية الكريمة آش تقول

  {{ وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }} 

هوني الآية إشطرت العدل  بين الزوجات 

وشوف الكمالة تو 

 { وَلَن تَسْتَطِيعُوۤاْ أَن تَعْدِلُواْ بَيْنَ ٱلنِّسَآءِ وَلَوْ حَرَصْتُمْ فَلاَ تَمِيلُواْ كُلَّ ٱلْمَيْلِ }

ضهرلي ما تستحقش تفسير وغيرها من الشبهات  كلها مردودة على اصحابها لكن هذا مش موضوعنا.

نرجعو لسوسن ..في الفيديو شفنا تصويرة الفيلم كفاش حاطين المتحجبة الهم والبين قاتلها  ولخرة عاملة جو  وفرحانة .... علاش تعمدتو تضهرو المتحجبة مهمشة ؟!  في حين إنو الشي هذا غالط...

 باهي نقولو صحيح زعمة هذا لكل من الحجاب !!!  معالج تحب التقول اللي المتحجبة في الدول العربية متخلفة  :)  لكلنا شفنا  كفاش في الغرب يستعملوا في الطرق الكل بش يمنعوا الحجاب كما في فرانسا وسويسرا أما منجموش رواحهم ...على أذك لقاو الحل في انهم يحاربوا الاسلام في الداخل في الدول المسلمة بأستعمال الأفلام وبتجنيد الممثلين كما   سوسن وأمثالها  اللي يشوه في صورة   الحجاب. 
السيدة هذي قالت في حجاب المرأة الحرة الشريفة العفيفة مآرب سياسية واقتصادية !!! معناها إقتصاد البلاد واقف  على خمار !!!هههه وسياسية كفاش !! زعمة يقولوا علينا دولة ترعى الإرهاب خاطر عنا بارشا متحجبات ؟!

في كلمتين تونس دولة اعتمدت على النساء لدعم مسيرة التنمية .. هل تقدمت تونس ؟ هل وصلت للمطلوب
اكيد لالا بالعكس تونس متجهة لهاوية بهلأفكار العلمانية اللي قاعدين يزرعوا فيها في اذهان  الناس .... وكما يقولوا أضحكولو  يتمد على طولو  هذاكة للا سوسن آش عملت هههه 

في الختام للأمانة  الفيديو  ضاهر منقوص من برشة مشاهد  ومقصوص  أما أنا حكيت وحكمت على اللي ريتو  وسمعتو  

أيا سلام