من غير مقدمات ومن غير مع نطول عليكم ...أنا واحد من الناس ..أنا ولد الشعب ...تربيت في حي شعبي ..
وكيما كل الناس في صغري بديت نحلم ونصور في مستقبلي ..نقول باش نكبر نعمل كذا وكذا...
أحــــــــــــلا م وردية احــــــــــــلام طفل صغيــــــــــــر يتمنى يحولها لواقع
خذيت ورقة وصورة عليها حياتي إلي نتمناه ...صورتها () قلت يجي نهار نلونها التصويرة
وكما أولاد الشعب الكل في صغري تربيت على قناة تونس 7 خاطر ما كانش فما الباربولات ...كنا نتلمو العايلة
على الأخبار متع الثمنية وكنت كيف نسمع المادة إلي يقدموا فيها في الأخبار نقول تونس جنة ...هوني وين انجم نحقق إلي حلمت بيه الكل
اللــــــــــــه غــــــــــــالب ما كنتش نعرف حاجة إسمها تبنديــــــــــــر ما كنتش نعرف حاجة اسمها إعلام موجه....
الاعلام إلي حولوه لوسيلة باش يغالطو بيه الرأي العام ...كنت كيف نرى الألاف إلي يمشيو يرحبوا ويمجد في الرئيس وين
ما يمشي نقول بالتأكيد حبهم ليه هذا موش جاي من فراغ...
ومع الإيام كبرت وتحلت عيني على الدنيا وعرفت نــــــــــــاس ..وخالطت نــــــــــــاس..وسمعب مشاكل بــــــــــــارشة نــــــــــــاس
وبالطبيعة أكا ألتصوير مازلت تكبر معايا ومازلت نحلم باش نلونها ....
وما الأيــــــــــــام زادة بديت نلاحض في الفرق بين إلي نرى فيه في التلفزة وإلي نعيش فيه في الواقع واكتشفت
إنو أكا الألاف إلي تمجد وتهلل بالرئيس وين ما يمشي ماهم إلا كمشة من القثافة والناس إلي تهوى البنديــــــــــــر
وقتها عرفت إلي أنا عايش كذبة وعرفت إلي الخطابات والوعود إلي في الغالب ما يغلفوهة بشعارات وهمية كيما
" الشاب والمستقبل " ، "من أجل مستقبل أفضل للشباب " ،... وما يتخلل الخطابات والملتقيات هذي من وعود
إلي بطبيعة تبقى وعود أسيرة الورق وما تشوفش النور هوني حبيت نسألكم يا مسؤولين
عــــــــــــلاش توعدو فينا ؟!..عــــــــــــلاش تكذبو علينا ؟! :...... هذا اسمو نفــــــــــــاق
وفي السياق هذا حبيت نستحضر قول المولى عزة وجل {يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ * كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ} [الصف: 2 - 3].
وفي قوله تعالى <كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ > بيان للأثار السلبية إلي ترتب عن القول إلي يخالف الفعل...
الحاصلو ما نحبش نطول عليكم خلاصة القول أنا تولدت عندي ياسر أما وليت نعتبر روحي تولدت من جديد خاطر بعد إلي عشتو لكل
نظرتي لدنيا تبدلت وبدلتني معاها ...والتصور إلي صورتها وأنا صغير قعدة () كلاتها الغبرة وبناتنا نخمم نقطعها لول
زعمة أنا تو نلوم السلطة إلي تعد وما توفيش ولا نلوم الإعلام إلي مصورلنا الدنيا روز ولا نلوم شعب بلادي ....
امين البكوش في صدرو اذاك آش انجم نقول
